Keisha Buchanan largohet nga Sugababes

Kompania Island Records ka zbuluar se anëtarja e grupit Sugababes, Keisha Buchanan, është larguar për të filluar karrierë si soliste, dhe ajo do të zëvendësohet nga përfaqësuesja e Britanisë në Eurovision, Jade Ewen. Këngëtarja thotë se nuk ishte vendimi i saj për t’u larguar nga treshja, ku kjo ishte e vetmja anëtare themeluese. “Kam kaluar kohë të shkëlqyeshme dhe kam arritur më shumë se sa ndonjëherë kam menduar se do të arrij. Edhe pse nuk ishte zgjidhje e imja të largohem, është koha për të filluar një kapitull të ri në jetën time. Për vajzat kam vetëm fjalë të mira dhe iu uroj shumë fat”, ka shkruar Buchanan në faqen e saj në Twitter.