Berry në dyshime për të ardhmen

Halle Berry kurrë nuk do të martohet sërish dhe është e pasigurt nëse ajo do të qëndrojë përgjithmonë me partnerin e saj Gabriel Aubry. Aktorja dy herë e divorcuar, e cila ka vajzën 15 muajshe, Nahla, me Aubry, thotë se përvojat e pakëndshme të së kaluarës e kanë bërë atë të zotohet se kurrë më nuk do të dalë para altarit. “Tash e kam më të qartë se çfarë është lidhja, që tregon edhe pse kurrë më nuk do të martohem sërish. Gabriel dhe unë kemi një partneritet dhe një vajzë të dashur. Por një herë kam qenë budallaqe kur kam thënë në lidhjet e kaluara, ‘Do të jem me këtë person përgjithmonë’, dhe derisa jam rritur e kam kuptuar se kjo vështirë është e mundshme”, ka thënë Berry.