Qerasi babin me restorant

Britney Spears vendosi që babin e saj Jamie ta qerasë me një restorant, që të ketë me çfarë të merret kur t’ia lëshon asaj jetën në duart e veta. Jamie Spears është organizatori kryesor i një ushtrie avokatesh dhe ekspertësh të cilët me tërë forcën tashmë disa vjet po përpiqen të sjell në rregull jetën e Britney. Andaj dhurata e saj për babin ishte e papritur.

“Britney deshi t’i jap diçka të dobishme si shenj mirënjohjeje për të gjithë atë që ka bërë për të. Pas të gjitha ngritjeve dhe rënieve të tyre, këngëtarja e ka të qartë se ai gjithmonë ka punuar për të mirën e saj”, tha burimi e raporton Female First. Arsyeja e vërtetë ndoshta fshihet në faktin se në fillim të këtij muaji, babai saj kërkoi nga gjykata që ta shqyrtojë vendimin me të cilin ai është përgjegjës për kontrollin e jetës së vajzës së tij. Meqë turneu i saj botëror po i afrohet fundit, Jamie do të donte që Britney përsëri të merr kontrollin ndaj jetës së saj. A është ky ndonjë sulm i befasishëm i mirësisë së babait apo ndjenjë se për vajzën e tij s’ka shpëtim, nuk dihet, megjithatë kënaqësia e Britney është e qartë.